ງານເປີດຕົວຮູບເງົາສັ້ນກ່ຽວກັບການພັດທະນາ ຊົນນະບົດ

Posted: Category: Latest News on Land and NR, Latest Rights-LINK Events Date: August 31, 2016 0 Comments

30816

ນະຄອນຫູວງວຽງຈັນ, ວັນ​ທີ 30 ສິງຫາ 2016-ໂຄງການ ​ເຄືອ​ຂ່າຍ​ຂໍ້​ມູນ​ຂ່າວສານ​ການ​ຄຸ້ມ​ຄອງ ​ແລະ ນຳ​ໃຊ້​ທີ່​ດິນ​ກະສິກຳ, ​ໄລຍະ​ທີ II (Rights-LINK II), ພາຍໃຕ້ອົງການບ້ານຈຸດສຸມສາກົນ(VFI) ຮ່ວມ​ກັບ ອົງການ, ກົມ​ຄຸ້ມ​ຄອງທີ່ດີນ ຂອງກະຊວງຊັບພະຍາກອນທໍາມະຊາດ ແລະ ສິ່ງແວດລ້ອມ; ກົມ​ຄຸ້ມ​ຄອງ ​ແລະ ພັດທະນາ​ທີ່​ດິນ​ກະສິກຳ ຂອງ​ກະຊວງ​ກະສິກຳ ​ແລະ ປ່າ​ໄມ້​;  ​ແລະ ຄະນະພັດທະນາຊົນນະບົດ ແລະ ລົບລ້າງຄວາມທຸກຍາກຮ່ວມ​ມື​ກັນ​ຜະຫຼິດ ຮູບ​ເງົາ​ສັ້ນ 6 ເລື່ອງທີ່ກ່ຽວກັບທີ່ດິນ,​ກະສິກຳ ແລະ ການພັດທະບ້ານ. ​ເຊີ່ງໂຄງການ​ຜະຫຼິດຮູບ​ເງົາ​ສັ້ນດັ່ງກ່າວ​ແມ່ນ​ໄດ້​ທຶນ​ສະໜັບສະໜູນຈາກ​ອົງການ GIZ ​ໃນ​ນາມ​ລັດ​ທະ​ບານ​ປະ​ເທດ​ເຢຍຍລະ​ມັນ​.

​​ເຊີ່ງ​ກອງ​ປະຊຸມ​ນນຳ​ສະ​ເໜີ​ເຄີ່ງມື້ ​ໄດ້​ຈັດ​ຂຶ້ນ​ໃນ​ວັນ​ທີ ​​​30 ສິງຫາ ຈຸດປະສົງ ​ເພື່ອ​ແລ​ກປ່ຽນກັບຄູ່​ຮ່ວມ​ງານ ​ແລະ ພາກສ່ວນ​ທີ່​ຂ້ອງ ກ່ຽວກັບຄວາມ​ເປັນ​ມາ, ຂະ​ບວນການ​ຂອງ​ສ້າງ​ຮູ​ບ​ເງົາ ​ແລະ ​ແຜນ​ແຈກ​ຢາຍ​ໃນ​ອານາ​ຄົດ. ​ເຊີ່ງ ຜູ້​ເຂົາຮ່ວມ​ງານ​ທັງໝົດປະມານ 100 ຄົນ ທີ່​ມາກ​ຈາກ​ພາກ​ລັດ, ພາກ​ເອກະ​ຊົນ, ພາກ​ປະ​ສັງຄົມ ​ແລະ ພາກສະ​ຖາ​ບັນ​ການ​ສຶກສາ..

ຮູບ​ເງົາ​ສັ້ນຈະ​ຖືກ​ເຜີຍ​ແຜ່​ຜ່ານ​ຫຼາຍຊ່ອງ​ທາງ ລວມ​ຍັງ​ມີ​ໄວ້​ແຈກ​ຢາຍ​ທີ່​ຫ້ອງການ​ອຳນາດ​ການ​ປົກຄອງ​ທ້ອງ​ຖິ່ນ ​ແລະ ​ໂຄງການ​ພັດທະນາ​ຊົນນະບົດ ​ເຊັ່ນ​ດຽວກັນກັບ​ຈະ​ຖືກ​ເຜີຍ​ແຜ່​ຜ່ານ​ຊ່ອງທາງ​ສື່​ອອນ​ລາຍ​ເຊັ່ນ Youtube ​ແລະ Face book. ໃນ​ຄະນະ​ດຽວກັນ, ຄູ່​ຮ່ວມ​ງານ​ທາງ​ດ້ານ​ການຜະຫຼິດ ປຶກສາ​ຫາລື​ກັນ​ວ່າ ຍັງຈະ​ມີ​ແຜນອອກ​ອາກາດຮູບ​ເງົາ ຜ່ານທາງໂທລະພາບອີກ​ດ້ວຍ.

ຊຸດ​ຮູບ​ເງົາ​ສັ້ນ​ຄັ້ງນີ້​​ເປັນ​ການ​ສືບຕໍ່ຈາກ​ຊຸດ​ຮູບ​ເຮົາ​ສັ້ນຄັ້ງທີ່ 1 ທີ່ກ່ຽວກັບ​ສິດ​ໃນ​ການ​ນຳ​ໃຊ້​ທີ່​ດິນ, ​ເຊີ່ງ​ຊຸດຮູບ​ເງົາ​ສັ້ນ​ໃນ​ປະຈຸ​ບັນ​ແມ່ນ​ໄດ້​ຖືກ​ພັດທະນາ​ພາຍ​ໃຕ້​ການ​ໃຫ້​ທິດ​ຈາກ​ຈາກ​ສອງກະຊວງ​ໃຫຍ່ ​ແລະ ໜຶ່ງອົງການຈັດຕັ້ງທຽບເທົ່າກະຊວງ ຄື: ກະຊວງ​ຊັບພະຍາກອນທຳ​ມະ​ຊາດ ​ແລະ ສິ່ງ​ແວດ​ລ້ອມ, ກະຊວງ​ກະສິກຳ  ​ແລະ ປ່າ​ໄມ້ ​;  ​ແລະ ຄະນະພັດທະນາຊົນນະບົດ ແລະ ລົບລ້າງຄວາມທຸກຍາກ​. ຮູບ​ເງົາ​ສັ້ນ​ດັ່ງກ່າວ​ໄດ້​ຖືກ​ອະນຸມັດ​ຈາກ​ກະຊວງ​ຖະແຫຼງຂ່າວ ແລະ ວັດທະນະທຳ ສຳ​ລັບ​ນຳ​ໃຊ້​ເປັນ​ສື່​ທາງການໃນການໃຫ້​ຂໍ້​ມູນ​ແກ່​ຫຼາຍໆ​ໂຄງການ​ໃນຂັ້ນທ້ອງຖິ່ນທີ່​ເຮັດ​ວຽກກ່ຽວກັບປະ​ເດັນ​ການ​ພັດທະນາ.

ເຊີ່ງຄາດວ່າ​ຜົນ​ໄດ້​ຮັບ​ຫຼັກໆຂອງ​ຊຸດຮູບເງົາສັ້ນຮູບ​ເງົາ​ດັ່ງກ່າວ ​​ແມ່ນ​ແນ່​ໃສ່​ກຸ່ມ​ເປົ້າໝາຍທີ່​​ເປັນຊາວ​ບ້ານຈະ​ຮັບຄວາມ​ຮູ້ເຖິງປະ​ເດັນທີ່​ສຳຄັນກ່ຽວກັບທີ່ດິນ, ກະສິກຳ, ແລະ ສ້າງແຜນພັດທະນາຂັ້ນບ້ານ; ​​ເພື່ອ​ໃຫ້​ຊາວບ້ານ​ໄດ້​ຮັບ​ຊາບ​ເຖິງ​​ຂະ​ບວນການ ​​ແລະ ປະ​ໂຫຍ​ດທີ່​ຈະ​ຮັບ​ຈາກ​ແຜນ​ພັດທະ​ນາ​ບ້ານ. ນອກຈາກ​ນັ້ນ​ແລ້ວ, ຊຸດຮູບ​ເງົາສັ້ນດັ່ງກ່າວຍັງໄດ້ອະທິບາຍ​ກົນ​ໄກ​ການແກ້ບັນຫາໂດຍອີງໃສ່ລະບຽບກົດໝາຍ ແລະ ການບໍລິການຈາກໜ່ວຍງານລັດຖະບານ ​ເພື່ອ​ສົ່ງ​ເສີມ​ຄວາມ​ຍຸຕິ​ທຳ ​ແລະ ການ​ພັດທະນາ​ແບບ​ຍືນ​ຍົງ.

No related links found

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>